Türkiyənin mərkəzində yerləşən Konya vilayətində şəhərlərarası sərnişin avtobusunun aşması nəticəsində 45 nəfər xəsarət alıb.
Bizim.Media xəbər verir ki, qəza saat 02:00 radələrində İsparta–Beyşehir avtomobil yolunda baş verib.
Antalya–İğdır marşrutu üzrə hərəkət edən “Yeni Diyarbakır” şirkətinə məxsus avtobus sürücünün idarəetməni itirməsi nəticəsində yoldan çıxaraq aşıb.
İlkin məlumata görə, yaralananlardan təxminən 40-nın xəsarətləri yüngül olub.
Zərərçəkənlər Beyşehir Dövlət Xəstəxanasına çatdırılıb. Onlardan beşi Konyadakı, üçü isə Seydişehir rayonundakı xəstəxanalara köçürülüb.
Faktla bağlı araşdırma başlanılıb. (Mənbə: Milliyet)
Bizim.Media
