Rusiya xarici işlər naziri Sergey Lavrov Qərbin ictimai rəyə təsir göstərmək üçün dezinformasiyadan istifadə etdiyini, lakin bunun çətinliklə başa gəldiyini bildirib.
Bizim.Media xəbər verir ki, Lavrov bu fikirləri Afrika mediasının rəhbərlərinə müsahibəsində səsləndirib.
Onun sözlərinə görə, Qərb hazırda Ukraynanın qələbəsi naminə hər şeyin qurban verilməli olduğu mövqeyini qorumağa çalışır.
Lavrov Almaniya kansleri Fridrix Mertsin də bu yaxınlarda oxşar mövqe sərgilədiyini iddia edib.
“Bu yaxınlarda, o cümlədən kansler Merts belə deyib: “Bizim üçün əsas Almaniya, Avropa İttifaqı, NATO, ABŞ və ya Çin deyil, əsas Rusiyaya qalib gəlməkdir”. İstəsəniz, bunları siyasi mazoxistlər adlandırmaq olar”, – deyə Rusiya XİN rəhbəri bildirib.
Bizim.Media
