Xəzər Dəniz Gəmiçiliyinin keçmiş sədr müavini Mübariz Mədətovun evindən seyf oğurlanıb.
Daxili İşlər Nazirliyindən verilən məlumata görə, mayın 23-də Bakı şəhər sakini Mübariz Mədətova məxsus evdən içərisində 10000 ABŞ dolları və 40000 avro pul olan seyfi oğurlanıb.
Xəzər RPİ 1-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən paytaxt sakini Ruslan Nabatov və Sabirabad rayon sakini Ramil Bağırov tutulublar.
Xatırladaq ki. M.Mədətovun oğlu Xalid Mədətovun idarə etdiyi “Mercedes G Class”x9d markalı avtomobillə Binə qəsəbəsi yaxınlığında xalq artisti Ağasəlim Abdullayevin ailəsinin olduğu maşını vurub və ailənin iki üzvü vəfat edib. Bundan sonra M.Mədətov prezidentin sərəncamı ilə tutduğu vəzifəsindən azad edilib.
