Azərbaycan millisinin üzvü Rüfət Abbasov "Şamaxı" ilə vidalaşıb.
Bizim.Media xəbər verir ki, "aslanlar"la müqaviləsinin müddəti başa çatan və bir neçə yerli klubdan təklif alan müdafiəçinin əsas məqsədi karyerasını ölkə xaricində davam etdirməkdir.
Hazırda Azərbaycan sərhədlərindən kənarda oynamaq üçün 2 real təklifi olan Rüfət öncə bu variantlar arasında seçim edəcək. O, xarici klubda top qovmaq, legioner həyatı yaşamaq planını həyata keçirə bilməyəcəyi təqdirdə, yerli təklifləri nəzərdən keçirməkdə qərarlıdır.
Xatırladaq ki, Abbasov əsas millidə debütünü DÇ-2026-nın seçmə mərhələsi çərçivəsində İslandiyaya qarşı baş tutan ev oyununda (0:2) reallaşdırıb.
Bizim.Media
