Azərbaycan Respublikasının Qarabağ və Şərqi Zəngəzur iqtisadi rayonlarının bir hissəsində müvəqqəti yerləşdirilmiş Rusiyanın “sülhməramlı” sayılan hərbi kontingenti suveren ərazilərimizdə öz funksiyalarına aid olmayan işlər görməkdə davam edirlər.
Moderator.az xəbər verir ki, “sülhməramlı” kontingentə məxsus “Peacekeeper” telegram-kanalının yaydığı məlumata görə, Rusiya hərbçiləri Ermənistanın "Hayer Miatsek"("Ermənilər birləşir") beynəlxalq xeyriyyə(?) təşkilatı ilə birlikdə Azərbaycan Respublikasının Xocavənd rayonu ərazisində humanitar aksiya keçiriblər.
Məlumatda deyilir ki, hərbçilər ərazimizdə qanuni, yoxsa qanunsuz məskunlaşdığı bəlli olmayan “çətin sosial vəziyyətə düşmüş” 237 hayk ailəsinə ünvanlı yardım göstərilib. “Ailələrə ərzaq paketləri verilib”...
Sultan Laçın
