Adı yalnız Ebrahim B. kimi göstərilən 26 yaşlı müsəlman Almaniya həbsxanasından verdiyi müsahibədə deyib ki, alman məhbəsi Suriyadakı azadlıqdan yaxşıdır.
Almaniya vətəndaşı olan Ebrahim həmvətənlərinə xəbərdarlıq edərək bildirib ki, “İslam Dövləti”x9d (İŞİD) adlanan təşkilatın İslamla heç bir əlaqəsi yoxdur.
Almaniyanın şəxsi sirlər qanuna müvafiq olaraq əsl adı açıqlanmayan bu şəxs “terrorçu təşkilatın üzvü”x9d kimi avqust ayında mühakimə olunacaq.
Sevgilisi onu atıb, o da cihada qoşulub
Almaniya həbsxanasından NDR və WDR telekanallarına, həmçinin “Süddeutsche Zeitung”x9d qəzetinə müsahibə verən Ebrahim B. ölkənin şimalındakı Volfsburq şəhərinin məsçidində İŞİD-ə necə səfərbər edildiyini danışıb.
O xatırladıb ki, həmin ərəfədə təhsil aldığı məktəbdə çətinlikləri var imiş, üstəlik də sevdiyi qızla araları dəyibmiş.
Belə bir ruh düşkünlüyü şəraitində cihada səfərbər edilən Ebrahim deyib ki, həmin vaxt o, lap Yamayka bandalarından birinə və ya Amerikanın “Cəhənnəm mələkləri”x9d təşkilatına da qoşula bilərdi.
Onu cihada cəlb edən şəxs deyirmiş: “Sən gənc müsəlmanların aclıq keçirdikləri və qadınların zorlandıqları bir vaxtda öz isti, rahat yatağında necə sakitcə yata bilirsən? Əgər sən bir islamçı şəhərdə deyil, Avropada ölsən, necə olacaq? Avropada ölənlər birbaşa cəhənnəmə gedirlər...”x9d
“Onlar gəncləri aldadırlar. Deyirlər ki, müsəlman dörd arvad ala bilər. Dörd arvadı kim istəməz?”x9d - deyə Ebrahim müsahibəsində bildirib.
Casus kimi həbs edildi, sonra da...
Keçmiş cihadçı bir dostu ilə birlikdə 2014-cü ilin mayında Türkiyəyə səfər edib və oradan Suriyaya keçib. İŞİD əvvəlcə onu casus kimi həbs edib, lakin sonradan, səfərbərçinin zəmanəti ilə həbsxanadan buraxıb.
İxtisasca massajçı olan Ebrahim deyib ki, İŞİD üzvlərinə iki seçim verilir: ya döyüşçü, ya da intiharçı olmaq.
“Seçim ya ölmək, ya da ölməkdir”x9d - deyib Ebrahim.
Lakin Almaniya prokurorları Ebrahimi şüurlu şəkildə intiharçı olmağa razılıq verməkdə ittiham edirlər və deyirlər ki, onun Bağdadda törətməyə hazırlaşdığı intiharçı bomba partlayışı yalnız İraq təhlükəsizlik qüvvələrinin əməliyyatı nəticəsində baş tutmayıb.
Ebrahim Almaniyaya 2014-cü ilin avqustunda qayıdıb. O deyir ki, yaralı cihadçıları Türkiyə xəstəxanasına gətirdikdən sonra aradan çıxa bilib.
O, valideynləri öz övladlarına diqqətli olmağa, onların səfərbərçilərin toruna düşməsinə yol verməməyə çağırır.
Hazırda 260 Almaniya vətəndaşının Suriya və İraqda döyüşdükdən sonra vətənə qayıtdıqları təxmin edilir.
Onların əksəriyyəti ya rəsmi polis müşahidəsi altındadır, ya da həbsxanada saxlanır (“Azadlıq”x9d radiosu).
