Avtomobil etirazçıların üzərindən keçdi
ABŞ-ın Ferqyuson şəhərində yaşanan iğtişaşlarla bağlı şəhərə ordu yeridilib. Amerika ştatı Missurinin qubernatoru Cey Nikson milli qvardiyanın hərəkətə gətirilməsi barədə tapşırıq verib. Reuters-in yaydığı xəbərdə deyilir ki, etiraz iştrakçıları ən azı 12 binanı yandırıb. Sent-Luis polisinin başçısı bildirib ki, hələlik 29 nəfər saxlanılıb. Lakin etirazlar artıq ölkənin digər şəhərlərinə də keçib. Məhkəmənin qaradərili yeniyetməni öldürən polisi günahsız sayması qərarına qarşı Nyu-Yorkda 3 körpü fəallar tərəfindən bağlanılıb. Qeyd edək ki, Ferqyuson məhkəməsinin afroamerikalı Braunu öldürən polis əməkdaşı Darren Uilsona qarşı qaldırılan iddiaların əsassız olması ilə bağlı verilən qərara qarşı bütün şəhər küçələrə tökülüb. Bu gün isə bir avtomobil etirazçıların üzərindən keçib.
Moderator.az Bizimyol.info -ya istinadən həmin görüntüləri təqdim edir:
