Avropa İttifaqına üzv bir sıra ölkələr Ermənistan məhsullarının milli istehsalçıların maraqları hesabına öz bazarlarına buraxılmasına hazır olmadıqlarını bildiriblər.
Bizim.Media xəbər verir ki, bu barədə informasiyanı Rusiyanın Xarici Kəşfiyyat Xidmətinin (SVR) mətbuat bürosu yayıb.
Məlumata görə, bir çox Avropa ölkəsi bu mövqeyini artıq Avropa İttifaqının rəhbərliyinə çatdırıb.
"Bir çox Avropa ölkəsi milli istehsalçıların maraqlarına zərər vuracaq şəkildə Ermənistan malları üçün öz bazarlarını açmağa hazır olmadıqlarını Aİ rəhbərliyinə bildiriblər", – deyə SVR-in açıqlamasında qeyd olunub.
Qurum məsələ ilə bağlı əlavə təfərrüatlar açıqlamayıb.
Bizim.Media
