Ukraynanın Baş naziri Yuliya Sviridenko istefa ərizəsini Ali Radaya təqdim edib.
Bizim.Media xəbər verir ki, bu barədə Ali Radanın sədri Ruslan Stefançuk "Facebook"da məlumat yayıb.
Onun sözlərinə görə, Baş nazirin istefa ərizəsi artıq parlamentə daxil olub və məsələ yaxın vaxtlarda müzakirəyə çıxarılacaq.
"Yuliya Anatolyevnaya dövlət üçün olduqca çətin bir dövrdə hökumətə rəhbərlik etdiyinə, iqtisadiyyatın gücləndirilməsinə, insanlara dəstək verilməsinə və ölkəmizin Avropa İttifaqı yolunda irəliləməsinə verdiyi töhfəyə görə təşəkkür edirəm", - deyə o vurğulayıb.
Qeyd edək ki, Yuliya Sviridenko 2025-ci il iyulun 17-də Baş nazir vəzifəsinə təyin olunmuşdu. Bundan əvvəl o, Ukrayna Baş nazirinin birinci müavini və iqtisadiyyat naziri vəzifələrində çalışıb.
Bizim.Media
