İran Oman körfəzində ABŞ esminesinə zərbə endirdi

İran Hərbi Dəniz Qüvvələri Oman körfəzində ABŞ esminesinə hücum edib.

İran Hərbi Dəniz Qüvvələri Oman körfəzində İslam Respublikasının ərazi sularına doğru hərəkət edən ABŞ-yə məxsus esminesə zərbə endirib.

Bizim.Media xəbər verir ki, bu barədə "Fars" agentliyi məlumat yayıb.

HDQ-nin mətbuat xidmətindən bildirilib ki, bir neçə saat əvvəl Amerika gəmisindəki "komandanlıq və idarəetmə mərkəzi" aşkar edilərək hücuma məruz qalıb.

Mayın sonunda ABŞ ordusu İrana bir neçə zərbə endirmişdi. Yüksəkrütbəli bir Amerika rəsmisi həmin vaxt hərbçilərin mina quraşdıran iki İran katerini, həmçinin Bəndər-Abbas limanında ABŞ-nin hərbi təyyarələrini hədəf alan raket qurğusunu vurduğunu bildirmişdi.

Bizim.Media