Obama: “Trampın qayıdışı ailəmdə gərginlik yaradır”

ABŞ-ın keçmiş Prezidenti Barak Obama Donald Trampın Ağ Evə qayıdışının onun ailə həyatına da təsir etdiyini bildirib.

Bizim.Media xəbər verir ki, Obama bu barədə “The New Yorker”ə müsahibəsində danışıb.

64 yaşlı keçmiş prezident etiraf edib ki, həyat yoldaşı Mişel Obama onun ictimai-siyasi fəaliyyətdən uzaqlaşmasını və cütlüyün birlikdə daha sakit illər keçirməsini istəyir.

Lakin Obamanın sözlərinə görə, mövcud siyasi gündəm, xüsusilə Donald Trampın yenidən hakimiyyətə qayıtması onun tamamilə kənara çəkilməsinə imkan vermir.

Keçmiş dövlət başçısı bildirib ki, məhz Trampın Ağ Evə qayıdışı onun siyasətdən tam uzaqlaşa bilməməsinin əsas səbəblərindən biridir.

“Bu, həqiqətən də ailəmizdə gərginlik yaradır və onu narahat edir. Mən buna daha anlayışla yanaşıram, insanların niyə belə hiss etdiyini başa düşürəm”, - deyə Obama qeyd edib.

O, həmçinin siyasətdə kifayət qədər fəal olmadığına dair tənqidlərə də cavab verib.

Obama bildirib ki, səlahiyyət müddəti başa çatdıqdan sonra onun siyasi proseslərdə iştirakı misilsizdir:

“Heç bir keçmiş prezident vəzifəsini başa vurduqdan sonra dörd seçki dövrü ərzində partiyanın əsas nümayəndəsi olmayıb”.

Bizim.Media