Britaniyalı Kralı ABŞ Konqresində çıxış edəcək

Ötən gün ABŞ-yə dörd günlük dövlət səfərinə gələn Böyük Britaniya Kralı III Çarlz bu gün ABŞ Konqresində çıxış edəcək.

Bizim.Media xəbər verir ki, Kralın Vaşinqtonda Prezident Donald Trampın iştirak etdiyi tədbirdə baş verən silahlı insidentlə bağlı bağlı həmrəylik mesajı verəcəyi gözlənilir.

Onun çıxışında ABŞ və Böyük Britaniya arasında fikir ayrılıqlarına baxmayaraq, iki ölkənin hər zaman bir araya gəlmək yollarını tapdığı vurğulanacaq.

Böyük Britaniya hökuməti adından həyata keçirilən bu dövlət səfəri, ABŞ-ın müstəqilliyinin 250 illiyini qeyd etdiyi bir ildə iki ölkə arasında münasibətlərin gücləndirilməsinə yönəlmiş yumşaq güc təşəbbüsü kimi qiymətləndirilir.

Bizim.Media