Moskvanın Qərbi Birulyov rayonunda miqrant meyiti tapılıb. Musavat.com-un “İnterfaks”a istinadən verdiyi məlumata görə, Özbəkistandan olan miqrant çoxsaylı bıçaq zərbələri ilə qətlə yetirilib.
Qeyd edək ki, Qərbi Birulyov rayonu son günlər KİV-in diqqət mərkəzindədir. 25 yaşlı Yeqor Şerbakovün qətlindən sonra keçirilən etiraz aksiyası kütləvi iğtişaşlara, miqrantlara qarşı hücumlara və talanlara çevrilib.

































































































