Türkmənistan Respublikasının tarixində ilk dəfə parlament seçkisi iki partiyanın iştirakı ilə keçiriləcək.
Moderator.az xəbər verir ki, 15 dekabr seçkisində 1991-ci ildə yaradılmış və 2013-cü ilin avqustuna qədər prezidentin rəhbərlik etdiyi Demokrat Partiyası ilə 2012-ci ildə qurulmuş, dövlət başçısını dəstəkləyən Sənayeçilər və Sahibkarlar Partiyası mübarizə aparacaq.
Türkmənistan Mərkəzi Seçki Komissiyasının məlumatına görə, seçki kampaniyası oktyabrın 5-dən start götürür. Namizədliyin irəli sürülməsi prosesi oktyabrın 16-dan noyabrın 14-nə qədər, onların qeydiyyatı isə oktyabrın 26-dan noyabrın 20-nə qədər davam edəcək.
125 nəfərlik Türkmənistan parlamenti 5 il müddətinə seçilir.
