“Heydər Əliyev ili” çərçivəsində Azərbaycan Dillər Universitetinin Tərcümə fakültəsində Ulu Öndərin zəngin və çoxşaxəli irsinə həsr olunan mühazirələr dinlənilir.
Universitetinin Xarici ölkələr ədəbiyyatı kafedrası kafedrasının müdiri, Ədliyyə Nazirliyi İnsan hüquqları və kommunikasiya idarəsinin rəisi professor Aynur Sabitova fakültənin tələbələri qarşısında ilk mühazirə ilə çıxış edib.
Müasir müstəqil dövlətimizin banisi, ümummilli lider Heydər Əliyevin mənalı ömür yolundan və zəngin dövlətçilik təcrübəsindən bəhs edən kafedra müdiri Ulu Öndərin Azərbaycan xalqı və dövləti qarşısında misilsiz xidmətlərindən, müstəqilliyimizin möhkəmləndirilməsində, milli şüurun dirçəlməsində, azərbaycançılıq ideologiyasının inkişafında, ölkəmizin beynəlxalq aləmdə layiqli yer tutmasında müstəsna rolundan bəhs edib.
A.Sabitova Ümummilli Liderin parlaq ideyalarının bu gün də əzmlə davam etdirildiyini və ölkəmizi inamla irəli apardığını bildirib, indiki və gələcək nəsillərə işıq tutan Heydər Əliyev irsinin Azərbaycan var olduqca yaşayacağına və daha da inkişaf etdiriləcəyinə əminliyini ifadə edib.
