Xəzər rayonu ərazisində silsilə talama hadisələri qeydə alınıb.
Bizim.Media xəbər verir ki, bu barədə DİN-dən məlumat verilib.
Naməlum şəxs rayon ərazisində yerləşən 5 ev və 2 sexdən pul, məişət əşyaları, elektrikli alətlər, həmçinin kombi aparatı oğurlayıb, nəticədə zərərçəkənlərə ümumilikdə 20 min manata yaxın maddi ziyan vurulub.
Xəzər RPİ 1-ci Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 40 yaşlı Ş.Abdullayev müəyyən edilərək saxlanılıb.
Onun taladığı əşyaların bir hissəsini satdığı məlum olub.
Araşdırma aparılır.
Bizim.Media
