Milli Məclis Avropa Parlamentinin Azərbaycan əleyhinə fəaliyyəti ilə bağlı qərar qəbul edib.
Bizim.media xəbər verir ki, qərarın mətnini Komissiyanın sədri Ziyafət Əsgərov səsləndirib.
Milli Məclisin qərarında deyilir:
“Azərbaycan Respublikasının Milli Məclisinin Avropa parlamenti ilə bütün istiqamətlər üzrə əməkdaşlıq əlaqələri dayandırılsın;
Azərbaycan Respublikası Milli Məclisinin Avropa İttifaqı-Azərbaycan Parlament Əməkdaşlıq Komitəsinin fəaliyyətində iştirakına son qoyulsun;
Avronest Parlament Assambleyasının nizamnaməsinə uyğun olaraq Azərbayacan Respublikasının Milli Məclisinin bu təşkilatda üzvlüyünə xitam verilməsi barədə prosedur qaydalarının icrasına başlanılsın və prosedur dövründə Milli Məclisin nümayəndələri Avronest Parlament Assambleyasının tədbirlərinə qatılmasın”.
Qərar səsə qoyularaq qəbul edilib.
Günay Şahmar, Bizim.Media
