Naxçıvanda suvarma suyunda
yaranan problemə etiraz etdiyi üçün naməlum şəxslər Babək rayon Nehrəm kənd sakini,
AXCP fəalı Zeynalabdin Bağırzadəni ölümlə hədələyiblər. Bu barədə
Moderator.az-a cəbhəçi fəalın özü məlumat verib.“Aprelin 30-da Babək rayonundan kəndə gəlirdim. Kəndin
girəcəyində 3 nəfər tanımadığım adam qarşıma çıxıb, məni hədələdilər. Dedilər
ki, yenə başlamısan danışmağa, camaatı ayağa
qaldırırsan, özünü yığışdırmasan sÉ™niöldürÉ™rikâ€-DeyÉ™ Z.BağırzadÉ™ bildirib.
Cəbhəçi fəal
deyib ki, hadisədən sonra isə kəndin icra nümayəndəsi onu çağıraraq, hadisənin
təsadüfi olduğunu, onlarla heç bir əlaqəsi olmadığını bildirib və hədələnməyi ilə
bağlı heç kimə xəbər verməməyi tövsiyə edib.
Təhdid olunmasına səbəb bir qrup
fermerlə birlikdə yaşadığı Nehrəm kəndindəki suvarma suyunda yaranan problemə
etiraz etməsi olduğunu bildirən Bağırzadə deyib: “ Bir neçə gün öncə əkin
sahələrindəki su qıtlığına görə icra nümayəndəliyində və digər aidiyyəti qurumlarda
olduq. Müxalifətçi ailəsi olduğumuza görə bizim əkin sahəsi olan istiqamətə su
vermirlər. Bizim cəmi 15 hektar əkinimiz var. Ancaq bizə görə 300 hektar əkin
sahəsi susuz qalıb. Bu yolla camaatı bizim
üzərimizə qaldırmaq, ötən illərdə olanların qisasını almaq, həm də müxalifətçi
olana su yoxdur deməklə, insanların gözünü qorxutmaq istəyirlər.
Zeynal Bağırzadə əlavə olaraq qeyd edib ki, tələbləri icra
nümayəndəsindəndir. Ona olan təzyiqlərdən və təhdidlərdən onun xəbəri var. Çünki,
bizə su verilməməsi ilə bağlı sifariş Babək Rayon İcra Hakimiyyətindən verilir,
icra nümayəndəsi isə icra edir.
Babək
rayon NehrÉ™m kÉ™nd icra nümayÉ™ndÉ™si TÉ™vÉ™kkül ÆlÉ™kbÉ™rov isÉ™ Azadlıq Radiosuna haqqında
sÉ™slÉ™nÉ™n ittihamları rÉ™dd etdib: “Yalan deyir. BelÉ™ bir ÅŸey olmayıbâ€.
Babək rayon Polis Şöbəsi isə Zeynalabdin Bağırzadə hədələnməsi ilə bağlı onlara müraciət
etdiyi təqdirdə, araşdırıb lazımi tədbirləri görəcəklərini bildiriblər.Xatırladaq ki, 2012-ci ildə Naxçıvan şəhər məhkəməsi Zeynalabdin Bağırzadəni vəzifəli şəxsin səlahiyyətlərini
mənimsəmə, saxta sənədlərdən istifadə etmə və dələduzluq yolu ilə külli
miqdarda ziyan vurmada ittiham edərək, haqqında 7 il 6 ay həbs qərarı çıxarmışdı.
Z. Bağırzadə bu ittihamı siyasi sifarişli hesab etmişdi. Dörd ay həbsdə qaldıqdan sonar Apellyasiya Məhkəməsi onun cəzasını şərti cəza
ilə əvəzləmişdi.
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
