Şanlıurfa və Kahramanmaraşda baş verən məktəb hücumlarından sonra Mersinin Tarsus rayonunda yerləşən Fatih Anadolu Liseyində 12-ci sinif şagirdinin məktəbə silahla gəldiyi müəyyən edilib.
MÖVZU İLƏ BAĞLI:
Hücumu 8-ci sinif şagirdi törədib… - Türkiyədə məktəbə hücumun TƏFƏRRÜATI – VİDEO
Bizim.Media Türkiyə mətbuatına istinadən xəbər verir ki, günorta saatlarında vəziyyətin fərqinə varıldıqdan sonra məktəb rəhbərliyi və məktəb polisi dərhal hərəkətə keçib. Hər hansı təhlükə yaranmadan şagirdin üzərindəki silah götürülərək müsadirə olunub.
M.M.A. adlı şagird saxlanılıb və rayon Polis İdarəsinə aparılıb. Şagirdin silahı məktəbə hansı məqsədlə gətirdiyi hələlik məlum deyil.
Hadisə ilə bağlı araşdırma davam edir. Şagirdin Mersində yaşadığı bildirilib.
Bizim.Media
