Yaxın Şərqdə gərginliyin azalması fonunda dünya bazarında enerji daşıyıcılarının qiyməti kəskin aşağı düşüb.
Bizim.Media xəbər verir ki, bu barədə beynəlxalq birja məlumatlarında əks olunub.
Məlumata görə, Londonun ICE birjasında "Brent" markalı neftin avqust fyuçerslərinin dəyəri əvvəlki sessiya ilə müqayisədə 4,03 dollar (və ya 4,61%) azalaraq bir barrel üçün 83,30 dollara enib.
Eyni zamanda, Nyu-Yorkun NYMEX birjasında WTI markalı yüngül neftin iyul fyuçerslərinin qiyməti də ucuzlaşıb.
Belə ki, bu markadan olan neftin bir barreli 4,32 dollar (və ya 5,09%) itirərək 80,56 dollara qədər geriləyib. Ekspertlər qiymətlərdəki bu enişi regionda hərbi-siyasi risklərin qismən azalması və tədarük zəncirinə dair narahatlıqların səngiməsi ilə əlaqələndirirlər.
Bizim.Media
