"Bitcoin" ucuzlaşdı

Son sutkada kriptovalyuta bazarında satış təzyiqi davam edir, qorxu indeksi 15 bəndə enib.

Bizim.Media xəbər verir ki, qlobal kriptovalyuta bazarının kapitallaşması son 24 saatda 0,02% artaraq 2,16 trilyon dollara çatıb. Bununla yanaşı, investorların risk iştahı zəif olaraq qalır.

“Bitcoin”in qiyməti son 24 saatda 0,20% azalaraq 62 805 dollara düşüb. Dünyanın ən böyük kriptovalyutası son 7 gündə isə 11,35% dəyər itirib.

“Ethereum”un qiyməti 1 666 dollar səviyyəsində qərarlaşıb və sutkalıq dəyişiklik qeydə alınmayıb. Həftəlik ifadədə isə “Ethereum”un qiyməti 16,67% azalıb.

İlk beşlikdə yer alan BNB-nin qiyməti son 24 saatda 0,10% azalaraq 597 dollara enib. Aktiv son bir həftədə 13,17% dəyər itirib.

Digər iri kriptovalyutalar arasında “Monero”nun qiyməti 4,75% artaraq 321 dollara yüksəlib, “Bitcoin Cash”in qiyməti isə 7,53% azalaraq 205 dollara düşüb.

Bizim.Media