Moderator.az xəbər verir ki, bu məsələ Mili Məclisin Regional məsələlər komitəsinin bu gün keçirilən iclasında “Azərbaycanda bələdiyyələrin birləşməsi yolu ilə yeni bələdiyyələrin yaradılması haqqında” qanun layihəsi müzakirəsi zamanı qeyd olunub. Komitə sədri Arif Rəhimzadə deyib ki, qanun layihəsinə əsasən ümumilikdə respublikanın 21 rayonu üzrə 204 bələdiyyənin birləşməsi nəticəsində 94 bələdiyyənin yaradılması və 110 bələdiyyənin ləğv edilməsi nəzərdə tutulub:
”Qanun
qüvvəyə mindikdən sonra ölkədə bələdiyyələrin sayı 1717-dən 1607-yə enəcək”.
Komitənin 2014-cü il payız sessiyası üçün iş planının layihəsi haqqında danışan
sədr A. Rəhimzadə deyib ki, komitə 3 qanun layihəsinin hazırlanması və müzakirəsini
nəzərdə tutur: “Belə ki, bu sessiyada komitə “Bələdiyyələrin əraziləri və
torpaqları haqqında” qanuna əlavə edilmiş “Azərbaycanda bələdiyyələrin
siyahısı”nda dəyişikliklər edilməsi barədə” qanun layihəsi, “İnzibati ərazi
bölgüsündə qismən dəyişikliklər edilməsi haqqında qanun layihəsi” və “Qanunlara
dəyişikliklər və əlavələr edilməsi haqqında qanun layihələri” müzakirə
olunacaq”. Komitə sədri onu da əlavə edib ki, 2015-ci ilin yanvar
ayından etibarən yerli ödənişlər nağdsız şəkildə aparılacaq və bu da bələdiyyələrin
ümumi işinə kömək olacaq:
“Eyni
zamanda atılan bu addım şəffaflığın təmin edilməsi üçün mühüm vasitədir”.
