ABŞ-ın Kaliforniya ştatının Feyrfild şəhərində yerləşən "Solano Town Center" ticarət mərkəzində atışma baş verib.
Bizim.Media xəbər verir ki, bu barədə "NBC News" telekanalı məlumat yayıb. İnsident nəticəsində azı bir nəfər ölüb, daha altı nəfər yaralanıb.
Polisin məlumatına görə, hadisə oktyabrın 30-da yerli vaxtla saat 20:30 radələrində (31 oktyabr, Bakı vaxtı ilə saat 07:30) "Spirit Halloween" mağazasında baş verib. Atışma nəticəsində yeddi nəfər odlu silahdan açılan atəşlə yaralanıb, onlardan biri xəstəxanaya çatdırılarkən yolda vəfat edib. Digər altı yaralı xəstəxanaya yerləşdirilib, onlardan üçünün vəziyyəti kritik qiymətləndirilir.
Şübhəlinin şəxsiyyəti hələlik müəyyən edilməyib. Polis hadisə ilə bağlı araşdırma aparır. Qonşu Suisun-Siti şəhərinin meri Alma Ernandes hüquq-mühafizə orqanlarının şübhəlini axtardığını bildirib və sakinləri ayıq-sayıq olmağa, yalnız rəsmi məlumat mənbələrindən istifadə etməyə çağırıb.
Bizim.Media
