Zirzəminin çıxışları bağlanaraq obyektə çevrilir? - Video

6 mərtəbəli binanın zirzəmisində qanunsuz söküntü və tikinti işləri aparıldığı iddia olunur...

Bizim.Media xəbər verir ki, görüntülər Masazırda yerləşən "Qurtuluş 93" Mənzil-İstismar Kooperativinin ərazisindəki 87 saylı binadandır.

İddiaları yerində araşdırmaq üçün ünvana yollandıq. Lakin, ərazidə çalışan işçilər nahar fasiləsində olduqlarını bildirdilər. Elə onlardan öyrəndik ki, bu yaşayış kompleksinin zirzəmilərində bu cür işlərin aparılması nə ilk, nə də sonuncu haldır.

Sakinlər isə qeyd etdilər ki, yaşayış kompleksi satışa çıxarılarkən binanın zirzəmi hissəsi ehtiyat çıxışı kimi nəzərdə tutulub. Lakin onların iddiasına görə, sonradan zirzəminin bütün çıxışları bağlanıb və obyektə çevrilməsi üçün işlərə başlanıb.

İş icraçılarını da bir xeyli gözləsək də, onlardan münasibət öyrənmək mümkün olmadı.

Mövzu ilə bağlı daha ətraflı Xezerxeber.az-ın videomaterialında:


Bizim.Media