Ankara Zirvəsi dünya mediasında: Trampdan Ərdoğanla bağlı sensasion etiraf – FOTO

Ankarada keçirilən 36-cı NATO Dövlət və Hökumət Başçıları Zirvəsi zamanı Prezident Rəcəb Tayyib Ərdoğanla ABŞ Prezidenti Donald Tramp arasındakı isti münasibət və səmimi dialoq dünya mətbuatının əsas gündəm mövzusuna çevrilib.

Bizim.Media xəbər verir ki, ABŞ mediası, xüsusilə "Fox News" telekanalı, adətən fiziki təmasa qapalı olan Trampın Ərdoğanın səmimiyyətini bu cür qarşılamasını "alışılmamış bir vəziyyət" kimi qiymətləndirib. Analizdə qeyd olunub ki, Ərdoğan digər NATO liderlərindən fərqli olaraq, Trampla xüsusi bir bağa sahibdir və ABŞ prezidenti ona daha mehriban davranır.

Trampın prezidentlik dönəmində Türkiyəyə ilk səfəri olması ilə əlamətdar olan bu zirvə, 2009-cu ildə Barak Obamanın səfərindən sonra bir ABŞ prezidentinin Ankaraya ilk gəlişidir.

Hava limanında rəsmi mərasimlə qarşılanan Tramp, Ərdoğanla birlikdə qol-qola gəzərək isti münasibət yaradıb. Söhbət zamanı Tramp yeni prezident təyyarəsinin ilk beynəlxalq uçuşunu məhz Ankaraya etdiyini vurğulayaraq, onun 800 milyon dollar dəyərində olduğunu bildirib.

Zirvə çərçivəsində çıxış edən Donald Tramp NATO-dan narazılığını ifadə edərək, bəzi müttəfiqləri tənqid edib:

"İtaliya, Almaniya və Fransa bizi yarı yolda qoydu".

"Sayın Ərdoğan olmasaydı, mən bu zirvəyə qatılmazdım".

"Zirvənin Türkiyədə olması böyük bir şeydir".

Beynəlxalq media qurumları zirvəni yaxından izləyir:

CNN International: İki ölkə arasındakı yaxınlığı vurğulayıb və Trampın CAATSA sanksiyalarının ləğvi ilə bağlı mesajlarını "fləş xəbər" kimi yayıb.

BBC: Trampın F-35 döyüş təyyarələrinin satışının yenidən qiymətləndirilə biləcəyinə dair vurğusunu ön plana çıxarıb.

New York Times: Geopolitik faktorlara görə Türkiyənin NATO daxilində yenidən dəyər qazanan bir müttəfiq mövqeyinə yüksəldiyini yazıb.

Avropa mediası: Türk müdafiə sənayesinin Avropanın yenidən silahlanma prosesindəki kritik rolunu müzakirə edib.











Bizim.Media