Fransanın cənubu alovlar içində: Meşə yanğınları nəzarətdən çıxır

Hazırda oxunan: Fransanın cənubu alovlar içində: Meşə yanğınları nəzarətdən çıxır

622985

Fransanın cənubunda ölkəni bürüyən bir neçə həftəlik quraqlıq və rekord istilərdən sonra bölgədə irimiqyaslı meşə yanğınları tüğyan etməkdə davam edir.

Bizim.Media xəbər verir ki, bu barədə "Associated Press" agentliyi məlumat yayıb.

Ən böyük yanğın ocağı Od və Ero regionlarında yayılıb. Yerli hakimiyyət orqanlarının məlumatına görə, burada alovun söndürülməsinə 800-ə qədər yanğınsöndürən və təxminən 150 ədəd texnika cəlb olunub. Alov 900 hektardan çox ərazini bürüyüb.

Bundan əlavə, Marsel rayonunda da yeni yanğın ocaqları yaranıb. Cümə axşamı günü qeydə alınan iki yanğını nəzarət altına almaq mümkün olsa da, onlar hələ tam söndürülməyib.

Fransanın baş naziri Sebastyen Lekornü bəyan edib ki, yay mövsümünün əvvəlindən bəri ölkədə 7 000-ə yaxın yanğın hadisəsi baş verib və nəticədə 8 700 hektara yaxın sahə yanıb. O, mövcud vəziyyəti kifayət qədər gərgin kimi xarakterizə edib.

Bizim.Media