Slovakiyada arxeoloqlar qrupu təxminən 7000 il əvvələ aid və 77 başsız skeletdən ibarət bir dəfn yeri aşkar edib.
Bizim.Media xəbər verir ki, bu barədə “Need To Know” portalı məlumat yayıb.
Portalın yazdığına görə, dəfn yerindəki yaşayış məskəni təxminən eramızdan əvvəl 5250-4950-ci illərə aiddir. Məzar Slovakiyanın cənub-qərbindəki Vrabl Velki Leqembi neolit dövrü yaşayış məskəni daxilində yerləşir.
Yaşayış məskəni təxminən 313 evdən ibarət olduğu güman edilir. Ərazidə qazıntılar 2012-ci ildən bəri davam edir və ilk insan qalıqları 2016 və 2017-ci illərdə aşkar edilib. Əvvəlcə alimlər 37 skeletin tapıldığını təxmin etsələr də, indi bu rəqəm ən azı 77 başsız skelet və bir tam skeletə çatıb.
Alimlər DNT analizi, izotop analizi və ətraflı sümük müayinəsi də daxil olmaqla əlavə tədqiqatlar aparırlar. Nəşr qeyd edir ki, tədqiqat ölənlərin yaşını, cinsini, mənşəyini və mümkün ailə əlaqələrini müəyyən etməyə, eləcə də mütəxəssislərə dəfnlərin tək bir hadisə ilə əlaqəli olub-olmadığını və ya daha uzun müddət ərzində həyata keçirildiyini anlamağa kömək edə bilər.
Bizim.Media
