ABŞ polisi Delaver ştatının Vilminqton şəhərindəki xəstəxanada bir nəfərin ölümü ilə nəticələnən atışmanı törətməkdə şübhəli bilinən 23 yaşlı gənci həbs edib.
Bizim.Media xəbər verir ki, bu barədə CNN telekanalı şəhər polis departamentinə istinadən məlumat yayıb.
Xatırladaq ki, daha əvvəl yerli polisin rəisi Vilfredo Kampos xəstəxanada baş verən silahlı insident zamanı bir nəfərin öldüyünü təsdiqləmiş və həmin vaxt cinayətkarın azadlıqda olduğunu bildirmişdi.
Verilən məlumata görə, bir nəfərin ölümü, daha bir nəfərin yaralanması ilə nəticələnən hadisəni törətməkdə şübhəli bilinən 23 yaşlı şəxs hüquq-mühafizə orqanları tərəfindən Filadelfiya şəhərində saxlanılıb.
CNN-in qeyd etdiyinə görə, ilkin araşdırmalar bu atışmanın kütləvi hücum olmadığını, hədəfə alınmış xüsusi və təcrid olunmuş bir insident (fərdi münaqişə) zəminində baş verdiyini göstərib.
Bizim.Media
