Ukraynadan Krasnodara PUA HÜCUMU – Yaşayış binası və neftayırma zavodu VURULDU – VİDEO

Ukraynaya məxsus pilotsuz uçuş aparatları (PUA) Rusiyanın Krasnodar diyarına kütləvi hücum təşkil edib.

Bizim.Media xəbər verir ki, regionun qubernatoru Veniamin Kondratyevin verdiyi məlumata görə, bütün bölgə ərazisində dron təhlükəsi elan olunub və Rusiya hava hücumundan müdafiə (HHM) qüvvələri hücumun qarşısını almağa çalışır.

Hadisənin əsas təfərrüatları aşağıdakılardır.

Krasnodar şəhərində vurulan PUA-nın qalıqları çoxmənzilli yaşayış binasının üzərinə düşüb və nəticədə yanğın baş verib. İlkin məlumatlara görə, hadisə zamanı 2 nəfər xəsarət alıb.

Gecə saatlarında dron hücumuna məruz qalan Seversk rayonunda bir neçə fərdi yaşayış evinə ziyan dəyib, 1 nəfər yaralanıb.

Regionun Operativ Qərargahı PUA qalıqlarının düşməsi nəticəsində Krasnodar diyarındakı "Afipskiy" neftayırma zavodunun (NAZ) ərazisində yanğın başladığını bəyan edib.

Hazırda yanğın tamamilə söndürülüb, xəsarət alan yoxdur. Hadisə yerinə Rusiya Fövqəladə Hallar Nazirliyinin 34 əməkdaşı və 12 texnikası cəlb olunub.

Rusiya Müdafiə Nazirliyinin yaydığı məlumata görə, HHM qüvvələri gecə ərzində Ukraynaya məxsus 330 ədəd PUA-nı zərərsizləşdirib.





Bizim.Media