İsrail Hərbi Hava Qüvvələri Livanın cənubundakı yaşayış məntəqələrində və Qərbi Bekaa bölgəsində şiə "Hizbullah" qruplaşmasının obyektlərinə zərbələr endirib.
Bizim.Media xəbər verir ki, bu barədə Livanın Səhiyyə Nazirliyi məlumat yayıb.
Qurumun məlumatına görə, son 24 saat ərzində baş verən hücumlar nəticəsində 30 nəfər həlak olub, daha 92 nəfər isə yaralanıb.
Səhiyyə Nazirliyi həmçinin vurğulayıb ki, martın 2-də başlayan eskalasiyadan bəri ümumi həlak olanların sayı 3 696 nəfərə, yaralıların sayı isə 11 413-ə çatıb.
Nazirlikdən qeyd olunub ki, elan edilmiş atəşkəsə baxmayaraq, bombardmanlar davam edir və yeni məlumatlar daxil olduqca ölü və yaralıların sayının daha da artacağı istisna edilmir.
Bizim.Media
