Rusiya Prezidentinin mətbuat katibi Dmitri Peskov Ukrayna lideri Volodimir Zelenskinin Vladimir Putinə ünvanladığı və ictimaiyyətə açıqlanan açıq məktubu kontekstində "hadisələri qabaqlamamağa" çağırıb.
Bizim.Media xəbər verir ki, bu barədə Rusiya mətbuatı məlumat yayıb.
"Zelenskinin məktubunun dərc olunması və Trampın buna reaksiyasına gəlincə — çox şey danışmaq olar, lakin gəlin hadisələri qabaqlamayaq", — deyə Peskov vurğulayıb.
Xatırladaq ki, bir qədər əvvəl ABŞ Prezidenti Donald Tramp Putin və Zelenski arasında mümkün görüşü alqışladığını bildirib. Rusiya Prezidenti Vladimir Putin isə ötən gün Peterburq Beynəlxalq İqtisadi Forumunun (SPIEF) plenar sessiyasında çıxışı zamanı hələlik Zelenski ilə görüşmək üçün bir məna görmədiyini bəyan edib.
Qeyd edək ki, iyunun 4-də Volodimir Zelenski Vladimir Putinə ünvanladığı açıq məktubda münaqişəyə son qoymaq üçün İsveçrə, Türkiyə və ya ərəb ölkələrindən birində görüşməyi təklif edib.
Bizim.Media
