İsrail qoşunları Livandakı strateji Bofor yüksəkliyində qalacaq

İsrailin Müdafiə naziri İsrael Kats bəyan edib ki, İsrail qoşunları yeni təhlükəsizlik zonasının yaradılması çərçivəsində Cənubi Livandakı strateji Bofor yüksəkliyi ərazisində qalacaqlar.

Bizim.Media xəbər verir ki, bu barədə "Times of Israel" nəşri məlumat yayıb.

1982-ci il Livan müharibəsində həlak olanların xatirəsinə həsr olunmuş tədbirdə çıxış edən nazir, bu bölgə üzərində nəzarətin yenidən bərpa olunmasının simvolik əhəmiyyətini vurğulayıb.

"Livandakı təhlükəsizlik zonasından çıxdıqdan 26 il sonra, İsrail bayrağı yenidən Qalileya məskənlərinə yuxarıdan baxan zirvələrdə dalğalanır", — deyə Kats bildirib.

O həmçinin qeyd edib ki, İsrail qüvvələri Bofor bölgəsini yenidən tutublar və Cənubi Livandakı yeni təhlükəsizlik sisteminin tərkib hissəsi kimi oranı əldə saxlayacaqlar.

"Bizim qəhrəman əsgərlərimiz Boforu yenidən ələ keçirdilər və orada qalacaqlar", — deyə nazir vurğulayıb.

Onun sözlərinə görə, quru əməliyyatının genişləndirilməsi və strateji mövqelərin nəzarətə götürülməsi çəkindirici effekt yaratmaq məqsədi daşıyır.

"İsrail vətəndaşlarını təhdid edənlər strateji aktivlərini bir-bir itirəcəklər", — deyə o əlavə edib.

Bizim.Media