Ermənistan Rusiyadan qaz tədarükünün davam etdiyini AÇIQLADI

Rusiyadan Ermənistana qaz tədarükü ştat rejimində davam edir.

Bizim.Media xəbər verir ki, bu barədə respublikanın Ərazi İdarəetmə Nazirliyinin rəhbəri David Xudatyan məlumat verib.

"Rusiyadan tədarük normal davam edir. Bu hissədə heç bir problemli məsələ görmürük. Rusiyalı həmkarlarımızla, "Qazprom"dakı tərəfdaşlarımızla daim əlaqədəyik və normal işləyirik", — deyə o bildirib.

Xudatyan qeyd edib ki, nazirlik Rusiya tərəfindən qaz, neft məhsulları və emal olunmamış almazlara dair sazişin mümkün ləğv edilməsi (denonsasiyası) haqqında məktub alıb.

Xatırladaq ki, bundan əvvəl Rusiya XİN-i bəyan etmişdi ki, Ermənistan Avropa İttifaqına daxil olacağı təqdirdə, Rusiya onu qaz və neft məhsulları tədarükündəki güzəştlərdən məhrum edə bilər. Bununla bağlı məktub artıq rəsmi olaraq İrəvana göndərilib.

Ermənistan Baş naziri Nikol Paşinyan isə öz növbəsində bildirib ki, respublika xammalın bahalaşmasından qorxmur, çünki tezliklə onun "daha çox pulu olacaq".

Bizim.Media