Görünür, Mark Zukerberq bir şeyi qəti şəkildə sübut etmək niyyətindədir: o, Silikon Vadisinin (Krem vadisi) ən yüksək fiziki hazırlığa malik baş direktorudur və belə də qalacaq. Bunun ən böyük sübutu isə onun Anım Günündə (Memorial Day) "Mörf" (Murph challenge) adlı super-ağır krossfit sınağını qəbul etmək kimi dəyişməz ənənəsidir.
Bizim.Media xəbər verir ki, milyarder sosial şəbəkələrdə paylaşdığı videonun şərhində belə yazıb:
“Hər Anım Günündə qızlarımla birlikdə “Mörf” kompleksini yerinə yetirməyə çalışıram. Bu, ölkəmizi müdafiə edənlərin şərəfinə yaratdığımız ailəvi ənənəmizdir”.
Bu idman kompleksi Əfqanıstandakı "Qırmızı qanadlar" əməliyyatı zamanı həlak olan və ölümündən sonra "Şərəf Medalı" ilə təltif edilən ABŞ Hərbi Dəniz Qüvvələrinin leytenantı, dəniz piyadası Maykl Mörfinin şərəfinə adlandırılıb.
2026-cı ildə "CrossFit" nümayəndələri "Mörf" sınağını Anım Gününün qlobal beynəlxalq ritualı kimi xarakterizə ediblər. Bu ritual bütün dünyada peşəkar atletləri, hərbçiləri, xilasediciləri və sıravi insanları bir araya gətirir.
Hazırda sərvəti 206 milyard dollar qiymətləndirilən "Meta" rəhbəri, bu hərəkata qoşulmağa cəsarət edən yeganə texnologiya maqnatıdır. Zukerberq təqaüddə olan "dəniz pişiyi" (xüsusi təyinatlı) və liderlik haqqında kitablar müəllifi Cokko Villinkin birbaşa çağırışına cavab verərək, əyninə 9 kiloqramlıq polad lövhələrlə ağırlaşdırılmış orijinal "5.11 Tactical TacTec Plate Carrier" jiletini geyinib. Olduqca ciddi səslənir, elə deyilmi? Lakin məhz bu çəki kişilər üçün "Mörf" sınağının rəsmi standartı hesab olunur.
Qeyd edək ki, Zukerberq daha əvvəl bu ağır kompleksi 39 dəqiqə 58 saniyəlik inanılmaz bir nəticə ilə tamamlayıb.
Bütün hərəkətlər ciddi şəkildə həmin 9 kiloqramlıq jiletlə icra olunur:
Qaçış — 1,6 km;
Turnikdə dartınma — 100 dəfə;
Yerdən təkan (jim) — 200 dəfə;
Kürək üstə oturub-durma (prisedanie) — 300 dəfə;
Qaçış — 1,6 km.
Özünün dəbdəbəli şəxsi idman zalında çəkilmiş videoda üç uşaq atası olan 42 yaşlı milyarder qüsursuz texnika nümayiş etdirir.
Vaxtilə Harvard Universitetini yarımçıq qoyan milyarder artıq çoxdandır ki, ağır məşqlər dünyasında öz adamına çevrilib: o, peşəkar şəkildə Braziliya ciu-citsusu ilə məşğul olur, sörfinqi çox sevir və "Mörf" kompleksini artıq bir neçə dəfə fəth edib.
Zukerberqin bu çətin sınağı 40 dəqiqədən az müddətdə başa vurması onu elit atletlər liqasına yüksəldir. Məhz bu nəticəsinə görə mətbuat ona layiqincə "Silikon Vadisinin ən idmançı baş direktoru" ləqəbini verib.
Buna baxmayaraq, Markın özü aralıq nəticələrindən o qədər də məmnun qalmayıb. O, çarxdakı bir mil məsafəni 8:49 dəqiqəyə qət etdiyi qaçış tempini "Zukerberq ölçülərinə görə ləng" adlandırıb.
Bizim.Media
