Tramp tibbi müayinəsinin nəticələrindən DANIŞDI

Tramp tibbi müayinəni başa vurduğunu, səhhətində hər şeyin qaydasında olduğunu bildirib.

ABŞ Prezidenti Donald Tramp bəyan edib ki, planlı tibbi müayinə onun səhhətində heç bir problem aşkar etməyib.

Bizim.Media xəbər verir ki, bununla bağlı paylaşım Amerika liderinin "Truth Social" sosial şəbəkəsindəki hesabında yer alıb.

"Uolter Rid adına Hərbi Tibb Mərkəzində yarımillik tibbi müayinəmi yenicə başa vurdum. Bütün göstəricilər mükəmməl qaydadadır. Möhtəşəm həkimlərə və personala təşəkkür edirəm! Ağ Evə qayıdıram", — deyə o yazıb.

"The Washington Post" qəzeti yazırdı ki, Birləşmiş Ştatların rəhbəri son 13 ay ərzində müntəzəm olaraq xəstəxanalara gedir və tibbi müayinələrdən keçir.

Nəşrin məlumatına görə, ötən ilin aprelində Tramp illik tibbi müayinədən keçib, daha sonra isə "planlı növbəti müayinə" üçün oktyabrda yenidən həkimlərə müraciət edib.

Bizim.Media