Moderator.az-ın Rusiyanın “RİA Novosti” saytına istinadən verdiyi xəbərə görə, Rusiya XİN başçısı Sergey Lavrov RF-nin Ukraynanın cənub-şərq torpaqlarını Rusiyaya birləşdirmək niyyətində olmadığını bəyan edib.
Onun sözlərinə görə Rusiyanın belə bir fikri yoxdur, çünki bu iddialar RF-nin fundamental maraqlarına ziddir: "Ukrayna indiki ərazi bütövlüyünü qoruyub saxlamalıdır və regiondakı dövlətlər də buna hörmətlə yanaşmalıdır. Biz şərti olaraq Ukraynanı federasiya adlandırırıq. Ancaq biz bu terminə söykənmirik, çünki, federasiya olub-olmamağa Ukrayna qərar verməlidir”.
Bundan başqa nazir qeyd etdi ki, BMT-nin Təhlükəsizlik Şurasının sülhməramlı qoşunlarının Ukraynaya yerləşdirilməsi məqsədyönlü xarakter daşıyır və ölkədəki böhranı yalnız hakimiyyət həll etmək iqtidarındadır: “Baxmayaraq ki, Moskva Ukraynada dördtərəfli görüşdə iştirak etməyə razılıq verib, hələ də Ukraynanın yeni hakimiyyətinin legitimliyini qəbul etmir”.
Qeyd edək ki, martın 16-da Krımda referendum keçirildi və yarımadanın bir çox hissəsi Rusiyaya birləşdirilməyə səs verdilər. Aprel ayının 6-da rus fəalları Luqanskı zəbt ediblər və silah ehtiyatı olan anbarı ələ keçiriblər. Aprelin 9-da əraziyə hərbi texnika yeridilib. Fəallar 10 gündür ərazinin Rusiyaya birləşdirilməsi ilə əlaqədar referendum keçirilməsini tələb edir.
