Ağdam rayonunda açıq ərazidə baş verən yanğın küləkli hava şəraiti səbəbindən geniş sahəyə yayılıb.
Bizim.Media-nın Qarabağ bürosunun məlumatına görə, yanğın Baş Qərvənd, Bayramlar, Şıxlar, Cəvahirli və Çıraqlı kəndləri istiqamətindən görünür.
Alovun minalardan tam təmizlənməmiş ərazidə davam etməsi səbəbindən vaxtaşırı mina partlayışları baş verir.
Yanğının söndürülməsinə Fövqəladə Hallar Nazirliyinin qüvvələri cəlb olunub. Yanğınsöndürənlər alovun yaşayış məntəqələrinə və kənd qəbiristanlığına keçməsinin qarşısını alıblar.
Xatırladaq ki, daha əvvəl Ağdamın Kəngərli və Sarıcalı kəndlərində də yanğınlar baş vermişdi.
Bizim.Media, Qarabağ bürosu
