Təcrübəli bağbanların tövsiyə etdiyi bu xüsusi qarışıq alaq otlarının yarpaq strukturunu məhv edərək onların qısa müddətdə qurumasını təmin edir.
Bizim.Media xəbər verir ki, bu təmizləyici məhlulu hazırlamaq üçün sizə aşağıdakı sadə vəsaitlər lazımdır:
-10 litr su
-3 xörək qaşığı limon turşusu
-Bir qədər sirkə
-Maye sabun (qarışığın bitki səthinə yapışması üçün)
Daha inadkar otlar üçün qarışığa az miqdarda spirt və ya duz əlavə etmək qurutma prosesini sürətləndirir.
Mütəxəssislər bildirir ki, bu üsulun uğurlu olması üçün tətbiq texnologiyası çox önəmlidir:
Məhlul bağça çiləyicisi ilə bitkinin yarpaq və gövdəsinə yaxşıca hopdurulmalıdır.
Mütləq quru və günəşli havada tətbiq edilməlidir. Birbaşa günəş işığı turşuların təsirini aktivləşdirərək alaq otlarını sanki "bişirir".
Bu məhlul seçici deyil, yəni toxunduğu hər bitkini qurudur. Ona görə də tərəvəz və çiçəklərlə təmas etməməlidir; həssas yerlərdə püskürtmək əvəzinə fırça ilə çəkmək məsləhətdir.
Kimyəvi dərmanlardan fərqli olaraq, bu təbii qarışıq tətbiq edildikdən təxminən iki saat sonra bitkinin elastikliyini itirməsinə və qaralmasına səbəb olur. Bir neçə saat ərzində alaq otları tamamilə quruyur. Kökləri çox güclü olan bitkilər üçün prosesin 10 gündən sonra təkrarlanması tövsiyə olunur.
Bu üsulun ən böyük üstünlüyü istifadə olunan maddələrin torpaqda sürətlə parçalanmasıdır. Sirke və limon turşusu kimi hər mətbəxdə olan ucuz vəsaitlər həm büdcəyə qənaət edir, həm də torpağın təbii strukturunu qoruyaraq arzuolunmaz bitkilərdən xilas olmağın ən səmərəli yolunu təqdim edir.
Bizim.Media
