Azərbaycan respublikasının prezidenti İlham Əliyev
dünən verdiyi sərəncamla yeni hökumətin tərkibini müəyyən edib. Yaranan yeni
hökumətdə 3 nazir öz tutduğu postdan azad edilib. Maraqlıdır, ölkə rəhbərinin bu
addımını islahat kimi qələmə vermək olarmı?
Moderator.az-a açıqlama verən politoloq Cümşüd
Nuriyevin sözlərinə görə, İlham Əliyev seçkidən öncə ölkədə sistematik
islahatlara başlayacağı barədə fikirlər söyləmişdi:
“Ölkə başçısı cəmiyyətdə ən çox tənqid olunan
və müzakirələrə səbəb olan məmurları vəzifələrindən azad etdi. Hesab edirəm ki,
ölkə rəhbəri bundan sonra da islahatlarına davam edəcək. Prezidentin
etdiyi bu dəyişikliklər sistematik islahatların başlanğıcıdır”.
Xəyal Əzizov
