Ana Vətən Partiyasının sədri, millət vəkili Fəzail Ağamalı Müəllim Günü münasibətilə Azərbaycan müəllimlərini təbrik edib. Partiyanın mətbuat xidmətindən Moderator.az-a daxil olan təbrikdə deyilir:
"Əziz müəllimlər!
Sizin hər birinizi Beynəlxalq Müəllimlər günü münasibətilə təbrik edir, can sağlığı və pedaqoji fəaliyyətinizdə uğurlar arzulayıram!
Bu gün bütün dünyada olduğu kimi, Azərbaycanda da hörmətli müəllimlərimiz üçün əziz gündür. Həyatımızda müəllimlərin sözlə ifadə olunmayacaq dərəcədə böyük zəhmətini və xidmətini azacıq da olsa qiymətləndirmək üçün bu bayram bir vasitədir. Müəllim əməyinin nəticəsində cəmiyyət formalaşır, savadlı və bilikli, geniş dünyagörüşlü, nümunəvi əxlaqa malik insanlar yetişir. Bu insanlar isə cəmiyyəti idarə edir və yüksək zirvələrə qaldırırlar.
Müstəqil Azərbaycan dövlətinin yaradılmasında və möhkəmləndirilməsində xidməti olan hər bir insanın arxasında müqəddəs müəllim əməyi dayanır. Bütün peşələrin fövqündə dayanan müəllimlik sənəti bu gün dövlətimiz tərəfindən yüksək qiymətləndirilməkdədir.
Dəyərli peşə daşıyıcıları! Sizi bir daha səmimi qəlbdən təbrik edir, çətin və şərəfli vəzifənizdə yüksək nailiyyətlər diləyirəm".
Dərin hörmətlə,
Fəzail Ağamalı,
Ana Vətən Partiyasının sədri,
Millət vəkili.
