Keniya qoruğunda 34 yaşlı ağ rəngli kərgədan Suni ölüb.
Bununla da, kərgədanların nadir Afrika növünün yer üzündən silinməsi ilə bağlı təhlükə yaranıb. Bu heyvan növü Sahara səhrasının cənubunda yerləşən düzənlikdə sərbəst şəkildə yaşayır, amma məsələ burasındadır ki, ağ kərgədanların ümumilikdə sayı 6 ədəddir.
Kərgədanların bu növü brakonyerlərin hücumuna məruz qaldığından onların nəsli kəsilmək üzrədir. Ölən Suni isə dünyada sağ qalan 2 erkək kərgədandan biri olub. Onun ölüm səbəbi məlum deyil.
Süni Çexiyanın zooparkında doğulub. Nəsil artımı üçün o, 2009-cu ildə Keniyaya gətirilib.
