Hollivudun məşhur cütlüklərindən biri olan Bred Pitt və Ancelina Colinin toyundan ilk fotolar yayımlanıb.
Pittlə Coli evlilik şəkillərini eksklüziv olaraq “Hello!” və "People" jurnalı üçün paylaşıb. Dərgilərin üz qabığını bəzəyən şəkillərdə cütlük olduqca xoşbəxt görünür. Gəlinlik seçimində Coli Atelier Versace brendinin dizayneri Luici Massiyə etibar edib: "Luici ailəmizin bir üzvüdür və belə bir özəl gündə ondan başqasına etibar edə bilməzdim".
Toy mərasimində övladlarının iştirakına xüsusi diqqət yetirən Colinin libasının üzərində uşaqları rəngarəng şəkillər çəkiblər. Versacenin hazırladığı möhtəşəm ipək gəlinlik onların iştirakı ilə bir “sənət əsərinə” çevrilib. Qeyd edək ki, Coli-Pitt cütlüyünün toyu avqustun 23-də onların Fransadakı "Chateau Miraval" qəsrində baş tutub.(ans)
