Ötən gün dünyasını dəyişən Türkiyənin sevilən aktyoru Kadir İnanır sabah İstanbulda torpağa tapşırılacaq.
Bizim.Media verir ki, bu barədə mərhum sənətkarın qardaşı oğlu Levent İnanır açıqlama verib. O, əmisinin gec dəfn olunmasını dəbdəbəli vida mərasiminin təşkili ilə əlaqələndirib.
"Kadir İnanırın milyonlarla pərəstişkarı, saysız-hesabsız dostu var. Minlərlə insan onunla vidalaşmaq istəyir. Vida mərasimini təşkil etmək üçün bizə vaxt lazım idi. Əmim iyulun 28-də son mənzilə yola salınacaq", - Levent İnanır belə deyib.
Levent İnanır aktyorun vəsiyyətinin olmadığını açıqlayıb.
Qeyd edək ki, 77 yaşlı Kadir İnanır dünən ağciyər xərçəngindən dünyasını dəyişib. (metbuat.az)
Bizim.Media
