"Namizədlər efirdən sui-istifadə etməməlidirlər"

 “Namizədlər və onların səlahiyyətli nümayəndələri çıxışlar zamanı efir imkanlarından sui-istifadə hallarına yol verməməli, seçki qanunvericiliyinə əməl edərək, konstruktiv siyasi debatlara üstünlük verməli, bir-birinin və başqalarının şəxsiyyətini alçaldan çıxışlar etməməli, aparıcının sözlərinə əməl etməlidirlər”.

Moderator.az xəbər verir ki, bu açıqlamanı Mərkəzi Seçki Komissiyasının (MSK) sədri Məzahir Pənahov qurumun iclasında deyib. O qeyd edib ki, prezidentliyə namizədlərin səlahiyyətli nümayəndələri debatlarda iştirak etməzdən əvvəl MSK-nı məlumatlandırmalıdırlar: “Bu da sonradan təşkilati məsələlərdə problemin yaranmaması üçün həyata keçirilir. Yaxşı olar ki, debatda müzakirə olunacaq mövzuları səlahiyyətli nümayəndələr özləri müəyyənləşdirsinlər”.