Pilləkənlərlə əlləri üstündə sürətlə enmə üzrə dünya rekordu vurdu - VİDEO

Artıq bir çox dünya rekordunun sahibi olan 31 yaşlı nepallı idmançı Hari Çandra Giri növbəti uğura imza ataraq adını yenidən tarixə yazdırıb. O, bu dəfə Çinin Çuntsin şəhərində yerləşən 100 pilləli pilləkənləri əlləri üzərində enərək yeni bir titul qazanıb. İdmançı bu çətin məsafəni cəmi 44,71 saniyəyə qət edib.

Bizim.Media xarici KİV-ə istinadən xəbər verir ki, idmançı bu təhlükəli tryukun risklərini öncədən yaxşı dərk etdiyini bildirib.

"Hər bir addımı sığortalayırdım"

Hari Çandra Giri çıxışı zamanı hər an ölümlə üz-üzə qala biləcəyini etiraf edib:

"100 pilləli hündürlükdən başıüstə, boyun və ya onurğa sütunu üzərinə yıxılmaq insan həyatı bahasına başa gələ bilər. Buna görə də mən hər bir addımımı sığortalayır, hər hərəkətimi yoxlayırdım. Əllərim sürüşəndə və ya çiyinlərim yorulanda dərhal dayanırdım".

Yarım illik gərgin məşqlərin bəhrəsi

Nepallı atlet belə çətin və qeyri-adi dünya rekorduna imza ata bilmək üçün yarım il boyunca hər gün fasiləsiz və gərgin məşqlər etdiyini vurğulayıb. Onun bu əzmkarlığı və qorxmazlığı həm Çindəki tamaşaçılar, həm də dünya mətbuatı tərəfindən böyük rəğbətlə qarşılanıb.


Bizim.Media