Növbəti mövsüm üçün transferlərə atrıq indidən başlayan “Qarabağ” bir futbolçunun keçidindən imtina edib.
Bizim.Media xəbər verir ki, söhbət ispaniyalı hücumçu Adrian Butskedən gedir.
Portuqaliyanın “Maritimu” klubunun üzvü olan 27 yaşlı futbolçu ilə danışıqlar artıq dayandırılıb. “Qarabağ”ın transferdən imtina etməsinin səbəbi daha yaxşı variantların ortaya çıxmasıdır. Digər bir səbəb isə Adrian Butskenin cinahlarda oynaya bilməməsi ilə bağlıdır.
Qurban Qurbanov hər iki cinahda oynaya bilən hücumçu axtarışında olduğu üçün “Qarabağ” digər hücumçularla danışıqlara yönəlib. Artıq Ağdam klubu Butskenin transferinə sonuncu variant kimi baxır.
Qeyd edək ki, Adrian Butske “Maritimu”ya qədər İspaniyanın “Qranada”, Portuqaliyanın “Pasuş de Ferreyra”, “Vitoriya Gimaraynş”, “Nasional” və “Mirandes” klublarında da çıxış edib.
Bizim.Media
