Türkiyənin Trabzon şəhərində keçirilən boks turnirində kütləvi dava baş verib.
Bizim.Media xəbər verir ki, yerli boksçu Emirhan Kalkan UBO versiyası üzrə dünya çempionu titulu uğrunda rusiyalı Sergey Qoroxovla rinqə çıxıb.
Məlumata görə, döyüşün üçüncü raundunda boksçular arasında sözlü mübahisə yaranıb. Mübahisə qısa müddətdə kütləvi davaya çevrilib.
Davaya idmançıların komandaları ilə yanaşı, tamaşaçıların da qoşulduğu bildirilir.
Hadisə səbəbindən döyüş yarımçıq dayandırılıb.
İnsidentlə bağlı araşdırma başlanılıb.
Bizim.Media






























































































