Milli Azadlıq Hərəkatının lideri, eks-prezident Əbülfəz Elçibəyin oğlu 28 yaşlı Ərturqutun hələ də işsiz olmasıyla bağlı Bəyin kürəkəni Aqil Səmədbəylinin Moderator.az-a bu günki açıqlamasına moderator.az/?xeber=47604 münasibət bildirməsi üçün Bozqurd Partiyasının qurultaya hazıqlıq üzrə Təşkilat Komitəsinin sədri Qələndər Muxtarlıya müraciət etmişik. Q. Muxtarlı deyir ki, bu məmləkətdə Elçibəyin oğluna iş vermək cəsarətində olan məmur çətin tapıla:
"Elçibəyin oğluna iş verəcək qədər mustəqil qərar verə biləcək bir dövlət məmurunun olacağına qəti inanmıram. Kimlərsə ürəyindən keçirə bilər, amma o istiqamətdə addım ata bilməz. Səbəb isə çox sadədi. Belə rejimlərin təbiətində güzəşt meylli olmaq özünü intihar kimi bir şeydir.Baxmayaraq ki Elçibəyin qurdugu dövlətdə dunyada nə mümkunsə kef çəkiblər. Cəsarət tapıb bu məsələni həll edə biləcək şəxs isə yalnız Kəmaləddin Heydərov ola bilər."
