Sonda həmin qurğu vasitəsilə yüzlərlə insanın işgəncə çəkməsini ləzzətlə seyr etmiş tiran özü də onun "ləzzəti"ni yaşamalı oldu...
Bizim eradan əvvəl VI əsrdə İtaliyanın Siciliya adasındakı Akragant şəhərində Falaris adlı bir zalım Falarid öküzündən(bürüncdən hazırlanmış öküz heykəli-S.L.) istifadə edərək insanlara dəhşətli işgəncələr verib. Həmin qurğu "işgəncə üçün ən ağrılı alət" hesab olunurdu.
Moderator.az İsrail mediasına istinadla xəbər verir ki, bu haqda materialı "Lad Bible" dərc edib.
İşgəncə üçün bürünc metaldan hazırlanmış bir öküz əsl işgəncə azarkeşi olan Falarisin əmrlərinə görə Afinadan olan usta Perilay tərəfindən hazırlanmışdı. Tiran Falaris həm də yeni doğulmuş uşaqları yeməyi sevirdi.
Bu hannibal qurbanları üçün tamamilə ağrılı olduğu güman edilən bir qurğu təqdim olunduqda onu tam bəyənib. Mexanizmi olduqca sadə işləyir: lyuk vasitəsilə boş öküz heykəlinin içərisinə bir insan yerləşdirilir və qurğunun altında ocaq yandırılır. Və əslində, öküz bir insanın diri-diri yandığı bir sobaya çevrilir. İşgəncəni daha "maraqlı" etmək üçün Perilay heykəlin içərisinə insan qışqırıqlarını öküz səsinə döndərən metal borular yerləşdirib...
Bir sıra tədqiqatçılara görə, Falaris bəlkə də əslində heç öküz qurğusu istəməyib. Amma Perilay tiranın könlünə daha da girmək üçün belə dəhşətli bir qurğu yaradıb. Əcaib qurğunu nümayiş etdirdikdən sonra Falaris ixtiraçıdan öküz heykəlinin içərisində bir insanın bağırtılarının kənardakılar üçün necə səslənəcəyini nümayiş etdirməsini istəyib. Afinalı usta bunu təcrübə etmək üçün öküzün içərisinə girdikdə tiranın əmri ilə onu orada kilidləyib çıxmağa qoymayıblar və od qalanıb. Beləliklə, bürünc öküzün ixtiraçısı onun ilk qurbanı olub...
Necə İşlədiyini öyrəndikdən sonra Falaris öküz heykəlini özünə saxlamaq qərarına gəlib və bu, onun yeni "sevimli oyuncağı" olub. Bundan sonra, diktator kimsə içəridə diri-diri yananda geri-irəli yelllənən "sevimli oyuncağı"ndan uzun müddət ləzzət alıb.
Xoşbəxtlikdən, e.ə. 554-cü ildə Falarisin dəhşətli hakimiyyəti sona çatıb və o, öz xüsusi dərmanının dozasınıı qəbul edərək sevimli öküzünün içərisinə yerləşməyə məcbur olub...
Tərcümə və təqdim etdi:
Sultan Laçın
