Belçikanın Dendermonde şəhərində təmir işləri aparılan köhnə bir binanın zirzəmi divarından təxminən 9 milyon avro dəyərində qızıl külçə və sikkələr tapılıb.
Bizim.Media xarici mətbuata istinadən bildirir ki, işçilər tapıntı haqqında bina sahibinə və hüquq-mühafizə orqanlarına xəbər veriblər.
Hazırda prokurorluq qızılın sahibini və onun binaya necə gətirildiyini araşdırır. Hətta kəşf xəbərindən sonra bir çox insan qızıl tapmaq ümidi ilə əraziyə gəlib. Buna görə də xəzinə polis tərəfindən müsadirə edilərək təhlükəsiz yerə aparılıb.
Sahibinin kimliyi müəyyən edilə bilməsə, Belçika qanunlarına görə xəzinə birbaşa dövlət balansına keçiriləcək.
Bizim.Media
